Енді жүргізуші белгіленген жылдамдықтан асырса 158 мың теңге айыппұл төлейді. Ал егер ереже бір жылда екінші рет бұзылса, бұл сома 235 мың теңгеге дейін өседі, деп жазады Alash.KZ.
Осылайша, Жаңа жылдан бастап көлік жүргізушілеріне салынатын айыппұл көлемі артады.
Айта кетейік, бүгінде белгіленген жылдамдықтан 20 шақырымға дейін асырған жағдайда 18 000 теңге, ал, 20-дан 40 шақырымға дейін 37 000 теңге айыппұл салынады. Жылдамдық одан жоғары болса 74 мың теңге төлейсіз. Ал қайталанған жағдайда айыппұл 110 мың теңгеге дейін барады. Алайда жаңа өзгеріспен көлік жүргізушілерінің бірі келіссе бірі келіспейді.
- “Сөздің ашығы йыппұл салып тонап жатыр ғой. Кішкене жүріп, әрбір бағдаршамға жеткенше екі айыппұл аласың ғой. Оның бәрі дұрыс емес.
- Жоқ, енді жылдам жүретіндер бар ғой. Бірақ енді мына айыппұлды көбейту бізге өте қымбат. Біздің өмір сүру жағдайымызға келмейді. Тым көп.
- Енді айыппұлды көбейтеміз деп жатыр ғой, онысын білмеймін. Бірақ қала жылдам жүретіндер, қатты жүретіндер көп қой”, – дейді тұрғындар.
