78 жылдан кейінгі реформа - Солтүстік Кореяда қандай өзгерістер болды?

Солтүстік Корея 1948 жылы құрылғаннан бері алғаш рет мемлекеттік туының пішінін өзгертті, деп хабарлайды Alash.kz порталы Yonhap дерегіне сүйеніп.

Солтүстік Корея Конституцияға өзгеріс енгізу арқылы мемлекеттік туының өлшемін өзгертті. Жаңа нормаға сәйкес, тудың биіктігі мен енінің арақатынасы бұрынғы 1:2-ден 1:1,65-ке ауысты.

Тудың өлшемі өзгергенімен, жалпы дизайны сол күйінде қалды. Оның ортасында жалпақ қызыл жолақ, жоғарғы және төменгі бөлігінде жіңішке ақ жолақтар, екі шетінде көк жолақтар орналасқан. Сондай-ақ ақ шеңбердің ішінде қызыл бес бұрышты жұлдыз бейнеленген.