Министр Ерлар Нысанбаев «жаңбыр адам» Алтай Айнабек жайлы өз пікірін айтты, деп хабарлайды Alash.kz ұлттық порталы Ulysmedia.kz сайтына сілтеп.
Әлеуметтік желіде «Rainman» деген атпен танымал Алтай Айнабек жасанды жаңбыр жаудыру технологиясы арқылы Арал теңізін қайта қалпына келтіргісі келетінін айтқан еді.
Бүгін журналистер оның бұл бастамасына қалай қарайтынын Экология және табиғи ресурстар министрі Ерлан Нысанбаевтан сұрады.
– Көрсеткен Арал өңіріндегі жаңбырды айтсақ, бұл жерде қызығушылық таныттық, өзіміздің Қазгидромет мамандарды шақырдық. Біздің болжам бойынша сол күндері жаңбыр жаууы керек болған. Сол себептен дүние жүзінің ғалымдарының ұстанымын айтсақ, бұған сене беруге болмайды, – деді министр Үкіметте.
