Бұл туралы Алматы әкімінің орынбасары Арман Қырықбаев мәлімдеді. Оның айтуынша, бір аптаға жуық уақытта мегаполиске осынша ресейліктің келуі үлкен көрсеткіш емес. Сондай-ақ ол мемлекеттік мекемелер, оның ішінде көші-қон қызметі жағдайды бақылауда ұстап отырғанын айтты.
"26 қыркүйекте ЖСН алуға 2070 шетелдік жүгінсе, келесі күні 1700 адам болды. Мегаполисте шетелдіктер саны артқан жағдайда азаматтарға кедергі келтірмейтіндей қызмет көрсету үшін қосымша орын бөлінеді. Жүргізілген мониторинг нәтижесінде қаладағы хостелдер мен жатақханаларда 1000-нан аса бос төсек орын бары анықталды. Қажет болған жағдайда 2000-ға жуық төсек орынды орналастыруға болады", — деді Арман Қырықбаев.
