Әлеуметтік желіде полицейлердің жаңа жылға қарсы "план" орындап жатқаны туралы видеолар тарап жатыр, деп жазады Alash.KZ.
Желіде тараған видеоның біреуін белгілі адвокат, құқық қорғаушы Әділетхан салды.
Адвокат өз видеосында "Полиция Шымкент" деп жазып, полицейлердің өз топтарында таратқан аудиосын жариялап, қысқаша түсініктеме береді.
"Рота командирлері команда беріп жатыр. Бұл Штрапстан болып кетті. Мақсат протакол жазу керек болып тұр ғой. Өздеріңізге де түсінікті" дейді.
Ал екінші видеода "OSA_semey_vko" әлеуметтік парақшасында жарияланды. Онда да бір полиция қызметкері басшыларының аудио жазба арқылы берген тапсырмасын тыңдап тұрған сәті түсірілген.
Аудиодан "Әр экипаж кемінде 5 протокол жазу керек" деген бұйрықты естуге болады. Ал желідегі оқырмандар мұның бәрін жаңа жыл алдындағы "план" екенін айтуда.
