Тірі болсам, қазаққа қызмет етпей қоймаймын!

Әлихан Бөкейхан

«Сіздерге айтып көрмеген әңгімем. Анамның қоштасу хаты» – Бельгиялық Жәнібек жазба жариялады (ВИДЕО)

«Сіздерге айтып көрмеген әңгімем. Анамның қоштасу хаты» – Бельгиялық Жәнібек жазба жариялады (ВИДЕО)

Бельгиялық әйел асырап алған қазақ баласы Жәнібек Савельев әлеуметтік желідегі парақшасында көпшілікке осы уақытқа дейін айтпаған ерекше оқиғасын бөлісетінін мәлімдеді, деп хабарлайды Alash.kz.

Жәнібек алдағы күндері бірнеше ай бұрын Индонезияға жасаған сапарынан фотосуреттер мен естеліктерді жариялай отырып, ішінде сақтап жүрген тың жайтты баяндап бермекші:

— «Сәлем, қымбатты жандарым! Алдағы күндері бірнеше ай бұрын Индонезияға жасаған сапарымнан фотолар мен әңгімелерді бөлісемін. Сол сапардағы әдемі сәттерді сіздермен бөліскім келеді. Бірақ саяхат туралы фотолар мен әңгімелерден бөлек, сіздерге айтқым келетін тағы бір оқиға бар. Бұл — көптен бері ішімде сақтап жүрген, осы уақытқа дейін сіздерге айтып көрмеген әңгімем. Араларыңызда менің бірнеше жыл бұрын туған жерім — Арқалықтағы перзентханаға барғанымды еске алатындар бар шығар. Ол сапар мен үшін ерекше маңызды еді. Өзім дүниеге келген жердің дәліздерін аралап жүргенімде, қолыма биологиялық анамның мен дүниеге келген кезде қалдырған қоштасу хатын берді. Оның бар екенін осы уақытқа дейін білмеген едім», – деп жазды ол.  

Оның айтуынша, өмірінің алғашқы күндерінен қалған сол естелікті оқығанда көз жасын тоқтата алмаған, ал кейін хатты жазған әйелді іздеуге кірісіп, Астанада онымен кездескен:

— «Ол хатты алғаш оқыған сәтте қандай күйде болғанымды сөзбен жеткізу қиын. Хаттағы сөздер мен кейбір мәліметтер жүрегімді қатты толқытты. Жылдар бойы түрлі сұрақтарға жауап іздеп, өмірімнің бастауын түсінуге тырысып жүрдім. Ал сол күні өмірімнің алғашқы күндерінен қалған бір естелік қолыма тиді. Оны оқып отырып, көз жасымды ұстай алмадым. Бірақ көпшілігіңіз біле бермейтін тағы бір жайт бар. Біз сол хатты жазған әйелді де іздей бастадық. Ақыры, оны таптық. Онымен Астанада кездестік. Бұл кездесу мен үшін өте ерекше әрі жүрегіме терең әсер қалдырды. Сол кездесуден кейінгі оқиғаларды осы уақытқа дейін сіздерге айтып көрмеппін. Өйткені бұл оқиғаның жалғасы да бар, әрі оның бәрін бірден айтып жеткізу оңай емес», – деді Жәнібек Савельев.  

Сөз соңында ол өзінің іздеу жолында бірге толғанып, қолдау көрсетіп жүрген барша оқырмандарына алғысын білдіріп, оқиғаның жалғасын алдағы күндері баяндайтынын жеткізді:

— «Енді осы оқиғаны сіздермен бөліскім келеді. Осы уақытқа дейін менің іздеу жолымда бірге үміттеніп, менімен бірге толғанып жүрген жандарға өмірімнің осы бір бөлігін де айтып бергім келеді. Алдағы күндері Индонезиядан фотолар мен әңгімелер бөлісіп жүріп, осы оқиғаны да әрі қарай айтып беремін. Баршаңызға амандық пен көңіл тыныштығын тілеймін. Осы уақытқа дейін жанымнан табылып, менің өміріме бейжай қарамай, бірге үміттеніп, бірге толғанып жүргендеріңіз үшін шын жүректен рақмет. Сіздерге деген ықыласым ерекше», – деп түйіндеді ол. 

Бұл мақала туралы не ойлайсыз?
  • 0
  • 0
  • 0
  • 0
  • 0
Жарнама
Соңғы жаңалықтар