Алтай өлкесінің Завьялов ауданының әкімі Николай Онищенко қаза тапты, деп хабарлайды Alash.kz.
«2025 жылғы 4 наурыз күні түстен кейін Завьялово ауылында орналасқан кафеден шыққан сәтінде аудан әкіміне оқ атылып, ол қаза тапты», – делінген ведомство таратқан хабарламада.
Осы оқиға бойынша Ресей Қылмыстық кодексінің 105-бабы 1-бөлігі («Адам өлтіру») бойынша қылмыстық іс қозғалды.
Қылмыс жасады деген күдікпен жергілікті тұрғын ұсталды. Оқиға орнында жедел-тергеу тобы жұмыс істеуде. Тергеушілер қылмыстың себептері мен мән-жайларын анықтап жатыр.
