"Сені соттатам. Аттестат бергізбей қоямын деген" - Алматы облысында өзіне өзі қол жұмсаған оқушы қызға қатысты тосын ақпарат тарады (ВИДЕО)

Алматы облысында 17 жастағы Ясминаның өліміне отбасы мектептегі мұғалімнің қысымы себеп болғанын айтып, істің әділ тергелуін талап етті, деп жазады Alash.KZ

Әпкесі Рашиданың сөзінше, мұғалім қызды өз ұлымен араласқаны үшін бірнеше ай бойы қорқытып, сыныптастарының алдында кемсіткен. Сәуірде одан ұлымен енді араласпайтыны туралы қолхат жазуды талап еткен.

23 сәуірде Ясмина үйіне келген соң өзіне қол жұмсаған. Отбасының айтуынша, ол ата-анасына «Мама, папа, мен сіздерді жақсы көремін. Менің басқа таңдауым болмады. Мені кешіріңіздер» деген хат қалдырған. Әйтпесе аттестат бермеймін деп қорқытқан.

Туыстары өзін-өзі өлтіруге дейін жеткізу фактісі бойынша іс қозғалғанын, бірақ төрт айға жуық уақыт өтсе де, тергеуде нәтиже жоқ екенін айтады.

Мектеп пен білім бөлімі тергеу жүріп жатқанын мәлімдеді. Мұғалімнің кінәсі әзірге сотпен немесе тергеу нәтижесімен дәлелденген жоқ.