Қазақстандық теннисші Жібек Құламбаева жұптық сында Колинада (Чили) өтіп жатқан WTA 125 турнирінің ширек финалында жеңіске жетті, деп хабарлайды Alash.kz.
Отандасымыз Словения өкілі Вероника Эрьявецпен бірге жұптасып өнер көрсетуде.
ҰОҚ мәліметінше, қазақстандық-словениялық жұп ширек финалда түркиялық Ипек Оз бен грекиялық Деспина Папамихаилды 6:0, 6:2 есебімен жеңді.
Осылайша, олар турнирдің жартылай финалына жолдама алды.
Айта кетейік, бұған дейін Жібек Құламбаева Вероника Эрьявецпен бірге Колумбияда өткен турнирде топ жарған болатын.