Астанада төтенше жағдай кезінде үстіне кондиционер құлап қаза болған жедел жәрдем қызметкері Ұлдана Мырзуан Президент тарапынан марапатталды, деп хабарлайды Alash.kz.
Мемлекет басшысының Жарлығымен Астана қалалық жедел медициналық жәрдем станциясының фельдшері Ұлдана Қалдарханқызы Мырзуанға (марқұм) қызметтік борышын үлгілі атқарғаны, қиын-қыстау жағдайда көрсеткен ерлігі мен жанқиярлығы үшін «Ерлігі үшін» медалі берілді.
Бұл марапат марқұм фельдшердің қоғам алдындағы ерлігін еске алу, оның кәсіби қызметіндегі жанқиярлығын бағалау ретінде табысталды. Қызметтестері мен жақындары оның атқарған ісін үлгі етіп, естелігін сақтап қалуға ниетті.
