«ҚазАвтоЖол» қалааралық жолдарда көліктердің орташа жылдамдығын өлшейтін болады

Бұл туралы «ҚазАвтоЖол» баспасөз қызметі хабарлады, деп жазады Alash.KZ.  

Республикалық маңызы бар автомобиль жолдарында қозғалыстың орташа жылдамдығын бақылайтын автоматтандырылған кешен енгізілді.

Орташа жылдамдық келесі учаскелерде бақыланады:

1. Астана – Щучинск (жылдамдыққа шектеу 140 км/сағ);

2. Астана – Павлодар (жылдамдыққа шектеу 140 км/сағ);

3. Шымкент – Қызылорда (жылдамдыққа шектеу 110 км/сағ);

4. Шымкент – Тараз (жылдамдыққа шектеу 110 км/сағ);

5. Павлодар – Семей – Қалбатау (жылдамдыққа шектеу 100-110 км/сағ);

6. Орал – Ресей шекарасы (Саратов) (жылдамдыққа шектеу 100 км/сағ);

7. Павлодар – Ресей шекарасы (Омбы) (жылдамдыққа шектеу 100-110 км/сағ).

– Қауіпсіз жол қозғалысын қамтамасыз ету мақсатында және айыппұлдардың алдын алу үшін жылдамдық режимін сақтаңыздар, – делінген хабарламада.