Netflix пен Қазақстан бірлесіп түсірген «La Tregua» («Татуласу») фильмінің трейлері жарыққа шықты, деп хабарлайды Alash.KZ сайты MADENIPORTAL.KZ сайтына сілтеп.
Картина еліміздің тарихындағы ең ауыр кезеңдердің бірі – ҚарЛАГ тақырыбына арналған. Фильмге қазақстандық актерлер мен мамандар да қатысып, тарихи оқиғаларды шынайы жеткізуге атсалысқан.
«La Tregua» 2025 жылдың күз-қыс айларында үлкен экранға шығады. Жақын күндері қазақ және орыс тілдерінде дубляж жасалатыны белгілі болды.
Фильмді әлемге әйгілі «Бумажный дом» сериалы арқылы танылған режиссер Мигель Анхель Вивас түсірген.
Басты рөлдерде:
• Мигель Херран,
• Арон Пайпер,
• Қазақстаннан – Дина Тасболатова, Алтынай Нөгербек, Сергей Уфимцев және Фараби Ақкөзов.
