Тасқын су салдарынан зардап шегіп, баспанасыз қалған педагогтер биылғы аттестаттаудан босатылатын болды, деп хабарлайды Аlash.KZ ұлттық порталы.
Орайы келгенде айта кетейік, биылғы жаңа ережелерге 15 норма қосылған. Оны әзірлеуге 50-ден аса сарапшы қатысты. 2025 жылы арнайы ұлттық платформа енгізіледі. Оның негізінде мұғалімдерді аттестаттау процесі автоматтандырылып, одан әрі жетілдіріледі.
"Олардың сабақ беруге уақытын үнемдеу, сабақ беруінің деңгейін көтеру. Бұл түптеп келгенде педагогтің кәсіби деңгейін жоғарылату мақсатында жүргізіліп отыр".Әдістемелік орталықтың педагогтарды кәсіби дамыту бөлімінің басшысы Айгүл Рамазанова
Биыл еліміз бойынша аттестаттаудан 150 мың педагог өтеді. Ашықтықты қамтамасыз ету үшін педагог қызметінің барлық нәтижесі келер жылы іске қосылатын ұлттық платформада жинақталады. Айта кету керек, өткен жылғы тест нәтижелері биылғы аттестаттаудан өту кезінде ескерілетін болды.
