Бұған дейін Астана мен Қарағанды арасына қатынайтын Данияр есімді такси жүргізушісі екі қызға айуандық жасағысы келгені туралы материал жарияланған болатын.
Көпшілікті бей-жай қалдырмаған сол тұрпайы оқиға туралы indrive такси қызметінің баспасөз қызметі редакциямызға мынадай жауап берді.
Біз кез келген қолайсыз әрекеттерге қарсы шығамыз және пайдаланушылардан кешірім сұраймыз. Сондай-ақ, бұл жағдайға назар аударғандарға алғысымызды білдіреміз.
Ішкі тексеру нәтижесінде ережені бұзған жүргізушінің 2023 жылы платформадан бұғатталып, тапсырыстардан шектелгенін анықтадық. Сонымен қатар, ережені бұзған жүргізуші жүйеде бөгде құжаттармен тіркелген. Бұл қызмет ережелерінің ауыр бұзылуы болып табылады. Оны болдырмау үшін жүргізушілер мен олардың көліктерін фотоконтроль арқылы үнемі тексеріп отырамыз. Пайдаланушылардан түскен шағымдардан кейін ереже бұзушының аккаунты дереу табылып, мәңгілікке бұғатталды. Құқық қорғау органдарының ресми сұрауы бойынша қосымша ақпарат беруге дайынбыз. Біз барлық зардап шеккен пайдаланушылардан кешірім сұраймыз және оларға психологиялық көмек ұсынуға дайынбыз.
