Астанадағы ауданаралық қылмыстық істер сотында жеке стоматологияда бала қайтыс болған оқиғамен байланысты дәрігер-анестезиолог Аида Жұмағалиева ісі бойынша сот процесі жалғасуда, деп хабарлайды Alash.kz.
Жаңа отырыс қорғаныс тарапымен судья арасындағы процестік жанжалдармен есте қалды. Қорғаушы тарап судья Микинтасты алмастыруды сұрады. Олардың пікірінше, сот барысында объективтілік принциптері жүйелі түрде бұзылған. Адвокат Ильев соттың бірнеше мәрте сарапшылар мен мамандарды шақырудан бас тартқанын, шешімдерін негіздемегенін және бірқатар өтініштер бойынша жеке сот актілерін шығармағанын атап өтті. Сонымен қатар қорғаушы тарап судьяның іс нәтижесіне жеке немесе жанама мүдделілігі болуы мүмкін деп мәлімдеді.
Сот қатысушылардың пікірін тыңдаған соң, алмастыру өтініші негізсіз деп танылды. Судья ҚР Қылмыстық-процестік кодексінің 87-бабында көрсетілген алмасу негіздерін еске салды. Тергеу кезеңінде істегі қатысу, зардап шеккен немесе куәгер ретінде қатысу, судьяның жеке мүдделілігін көрсететін басқа да жағдайлар. Заңда көрсетілген бұл критерийлерге сәйкес, қорғаушы тараптың дәлелдері судьяның бейтараптығын бұзатынын растамады.
Сот сондай-ақ процесстік шешімдер тек апелляциялық тәртіпте ғана қаралатынын түсіндірді. Осылайша, қорғаушы тараптың судьяны алмасу өтініші қабылданбады, ал іс қаралуы жалғастырылды.
Айта кетейік, Аида Жұмағалиева өз кінәсін мойындамайды және сот-медициналық сараптама қорытындыларына келіспейді. Қорғаушы тарап баланың ауыр медициналық қарсы көрсетілімдері болғанын алға тартып, тергеу қорытындыларына күмән келтіріп отыр.
