Әнші Мақпал Жүнісова әріптесі Сембек Жұмағалиев туралы пікір білдірді, деп хабарлайды Alash.kz ұлттық порталы.
Өнер иесі “Гүлдер” ансамблінде жүргенде танысқан көрінеді.
“Менен 10 жас үлкен деп “аға” деуші едім, ақыры 20 жас үлкен ағаң қағып алды ғой”, – деп әзілдеді халық әртісі.
Әнші Сембек Жұмағалиев те халықты күлдірді.
“Мен өзім Атырау жақтың тумасымын. Осы дуэттен кейін ауылдың кемпірлері “Мақпал – біздің келін” деп жүрді. Біздің жолымызды тоғыстырған осы ән десек қателеспейміз. Шығармашылық байланыс орнаттық. Бір жолы Мақпал: “Менің жігітім бар, Сембектің қызы бар” деп ағынан жарылды. Қанша жыл өтсе де, әлі күнге дейін ескірмейді”, – деді өнер иесі.
