"ЕО АҚШ көмегімен Украинаға әскери қолдау көрсетеді" - Bloomberg

АҚШ және Киевтің Еуропадағы одақтастары Ресеймен бейбіт келісімнің сақталуын қамтамасыз етуге бағытталған Украина қауіпсіздігіне кепілдік беру шарттарын әзірледі. Бұл жөнінде құжатпен таныс шенеуніктерге сүйенген Bloomberg жазды, деп хабарлайды Alash.KZ. 

Басылым дереккөздерінің айтуынша, Украина және оның одақтастарының күштерінен құралған 800 мың сарбаз атыс тоқтағаннан кейінгі алғашқы шепке айналмақ. АҚШ Киевке барлау деректерін беріп, бейбіт келісімнің орындалуын қадағаламақ.

Еуропа елдерінің қарулы күштері “сенімді нығайту үшін” майданнан алыс аумаққа шоғырланады. Азаттық жазғандай, Әскери қимыл басталған жағдайда еуропалықтар “дипломатиялық шаралар мен соғысты болдырмау әрекеттерін қарастырады”, бірақ егер одан нәтиже болмаса, ЕО АҚШ көмегімен әскери қолдау көрсетеді. 

Агенттіктің жазуынша, мұндай шарттарды Путиннің қабылдауы неғайбыл, себебі ол бұған дейін Украинада НАТО әскерін шоғырландыруға қарсы болған.