Салтанат Нүкенованың туыс әпкесі Самал Нүкенова Байжановқа кешірім жоқ екенін айтты, деп хабарлайды Alash.KZ ұлттық порталы.
Салтанат Нүкенованың туыс әпкесі Самал Нүкенова өзінің әлеуметтік желі парақшасында:
Біздің отбасымыз Байжановты кешірмейді! Эмоционалды, аянышты сөздерінің астарынан біз шындықты көрмедік! Ол бос сөйледі. Барлығы спектакльді қалай керемет ойнағанын байқады деп үміттенемін (жанжал, қарғыс сәттері және т.б.). Бірақ осы шоу арқылы бейшара екенін көрсетті. Азаптауды растайды, ол үшін "бичке" ең көбі 2 жыл беріледі. Бірақ кісі өлтіргенге кешірім жоқ, өмір бойы абақтыға жабуға тиісті аса ауыр қылмыс! Байжанов мәйітті көрпемен орап, көлікті неге паркингке апарғанын ешқашан ашқан емес. Неліктен оларға скотч қажет болды, заттай дәлелдемелер қайда және денеде қандай сынық болғанын да айтпады. Аммиак қайда кетті? Егер олар ояту үшін бүкіл бөтелкені пайдаланса және ол оянбаса, олар бұл оғаш көрінбеді ме? - деп жазды.
Естеріңізде болса,Салтанат Нүкенованың туыс әпкесі Самал Нүкенова марқұмның мойнында қылғындыру белгілері неден болуы мүмкін екенін айтқан еді.
"Анардың (Салтанат Нүкенованың көмекшісі - ред.) мойнындағы жіп ізі туралы айтқаны – жазда Шымкентте оны қуаттағыш сымымен қылғындырған. Салта онымен (Бишімбаев - ред.) қарым-қатынасы туралы аз-кем айтатын. Қайтыс болғаннан кейін бізде жалпы картина пайда болды, бірақ 10 адам барып, бәріміз кезек-кезек өз көргенімізді айта алмаймыз", - деген еді Самал Нүкенова.
Еске салайық, 9 қарашада экс-министр Қуандық Бишімбаевтың ұсталғаны белгілі болды. Астанадағы мейрамханалардың бірінде келушілер арасында жанжал шығып, салдарынан бір әйел алған жарақатынан көз жұмған. Болжам бойынша, әңгіме экс-министрдің әйелі туралы. Бишімбаевтың ұсталғаны туралы хабарламамен қатар Астана полициясы ер адамның ұсталғаны туралы пікір білдірді. Бірақ оның аты-жөнін нақтыламады.
Сондай-ақ, сағат 19:54-те астаналық жедел медициналық қызмет көрсету станциясы пультіне қоңырау түскен. Жедел жәрдем бригадасы жеткенде 1992 жылы туған әйелдің қаза болғаны расталды. Кейін марқұмның 31 жастағы Салтанат Нүкенова екені белгілі болды. Ол - Қуандық Бишімбаевтың әйелі.
Кейінірек Қуандық Бишімбаевқа қатысты 2 ай мерзімге қамауға алу туралы бұлтартпау шарасы тағайындалды.
