Балқаштағы жолбарыс малды жеп қойса, өтемақы төлене ме? (ВИДЕО)

Балқаш маңындағы Үміт атты жолбарыстың қозғалысы GPS қарғыбау мен фототұзақтардың көмегімен тәулік бойы бақыланады, деп жазады Alash.KZ.

Жыртқыш елді мекендерге жақындаған жағдайда тұрғындарға арнайы ескерту хабарламалары жіберіледі. Резерват аумағы жасыл, сары және қызыл бақылау аймақтарына бөлінген. Жолбарыс қауіпті аймаққа өткен жағдайда антиконфликтік топ іске кіріседі. Егер жолбарыс қызыл аймаққа өтсе, оны уақытша ұйықтатып, жасыл аймаққа қайта көшіреді.

Ал жыртқыш малға шабуыл жасаса, өтемақы төлеу қарастырылған. Ең жақын елді мекендер резерваттан 60 шақырым жерде орналасқан.