Тірі болсам, қазаққа қызмет етпей қоймаймын!

Әлихан Бөкейхан

Ауыс-түйіс: Қасым-Жомарт Тоқаев Алматы облысының әкімін тағайындады

Ауыс-түйіс: Қасым-Жомарт Тоқаев Алматы облысының әкімін тағайындады

Шыңғыс Сайранұлы Әрінов Алматы облысының әкімі болып тағайындалды, деп хабарлайды Alash.kz.

Бұл туралы Ақорданың баспасөз қызметі хабарлады.

«Мемлекет басшысының Жарлығымен Шыңғыс Сайранұлы Әрінов Алматы облысының әкімі лауазымына тағайындалды», – делінген Ақорда хабарламасында.

Шыңғыс Әрінов әл-Фараби атындағы Қазақ ұлттық университетінің халықаралық қатынастар факультетін тәмамдаған. Сондай-ақ Қазақ еңбек және әлеуметтік қатынастар академиясы мен Азаматтық авиация академиясында білім алған.

Ол 2006-2022 жылдар аралығында Мемлекеттік күзет қызметінде түрлі офицерлік және басшылық қызметтер атқарды.

2022 жылы Мемлекеттік күзет қызметі бастығының орынбасары – Президент күзеті қызметінің бастығы болып тағайындалды. Шыңғыс Әрінов – Мемлекеттік күзет қызметінің генерал-майоры.

2024 жылғы ақпанда ол Төтенше жағдайлар министрі қызметіне тағайындалып, бұл лауазымды 2026 жылғы тамызға дейін атқарды.

Енді Шыңғыс Әрінов Алматы облысын басқарады.

Бұл мақала туралы не ойлайсыз?
  • 0
  • 0
  • 0
  • 0
  • 0
Жарнама
Соңғы жаңалықтар