Атыраудағы қанды қылмысқа басты күдікті Сұлтан Сәрсемәлиевтің экс-жұбайы Ақбаян Мұқанғалиеваның тергеу кезінде берген жауабы жария болды, деп хабарлайды Alash.kz.
Жария болған видеода Ақбаян күннің жадын, өзінің ұшақтан қашан түскенін білмейтінін жеткізген. Оның берген жауабынан ата-анасының өлімінен хабары жоқ екенін де аңғаруға болады. Туған-туыстарымен байланысы туралы сұрағанда, марқұм ағасы Наурызбен хабарласқанын айтып, «Ата-анам ауылда. Ағам Наурызбен сөйлестік» деп айтқан. Ал, онымен қандай әңгіме өрбігені туралы сұраққа Ақбаян «Сұлтан сөйлесті» деп жауап берген.
