Ақтөбеде мүгедектігі бар мектеп оқушысын тонады деп айыпталған 17 жастағы студент амнистияға ілігіп, жазадан босатылды. Бұл туралы Alash.kz порталы ktk.kz телеарнасына сілтеп хабарлайды.
Оқиға биылғы ақпан айында болған. 11 жастағы мектеп оқушысы сабақтан үйіне қайтып келе жатқан кезде, есту қабілеті бұзылғанына байланысты тілдесуге арналған планшетін жасөспірім тартып алған. Оқиға орнында оның тағы екі танысы болғанымен, олар тек куәгер ретінде танылған.
Сот айыпталушыны кінәлі деп танығанымен, амнистия туралы заңды қолдана отырып, оны сот залында босатты.
Қазіргі уақытта жәбірленуші тарап сот шешіміне апелляциялық шағым дайындап жатыр.
