Алматыда екі автобус соқтығысты. Әлеуметтік желіде оқиға орнында түсірілген фото мен видеолар тарады, деп хабарлайды Alash.kz порталы.
Алматы қалалық полиция департаментінің баспасөз қызметі бұл жайлы хабарлады. Апат бүгін сағат 12:40-та Медеу ауданында болған:
«69-маршруттың автобусының жүргізушісі Райымбек даңғылы бойымен шығысқа қарай жүру кезінде Назарбаев даңғылынан шығысырақ жерде аялдамада тұрған 208-маршруттың автобусына соқтығысқан. Оқиға салдарынан 69-маршрут автобусының жүргізушісі мен бір жолаушысы медициналық көмекке жүгінді», – деді полиция.
Апаттың мән-жайын Медеу аудандық полиция басқармасының қызметкерлері анықтап жатыр.
