"Ұлттық құрама сапында өнер көрсеткен алматылық спортшылардың Қазақстан қоржынына көп медаль салғаны қуантады. Таланттарыңыздың, табандылығыңыздың және еңбекқорлығыңыздың арқасында сіздер маңызды да тарихи жеңіске қол жеткізіп, халықтың ыстық ықыласына ие болдыңыздар, әлемдік спорттың дамуына үлес қостыңыздар. Сіздер сүйікті ісіңіз бен туып-өскен еліңізге деген сүйіспеншілігіңіздің жарқын үлгісісіздер", - деді Алматы әкімі.
![Алматы әкімі Ерболат Досаев спортшылармен кездесті Алматы әкімі Ерболат Досаев спортшылармен кездесті](https://cdn.nur.kz/images/1120/650f86c1cd724706.jpeg)
Ерболат Досаев Нариман Құрбановқа екі бөлмелі пәтердің, ал Ғұсман Қырғызбаевқа, Назым Қызайбайға, Александра Ле мен Ислам Сәтбаевқа бір бөлмелі пәтердің сертификатын табыс етті. Сонымен қатар, спортшыларға 5 және 4 миллион теңгеден ақшалай сертификаттар және жаңа автокөліктердің кілті табысталды. Әкімдік берген тұрғын үй сертификатымен бірге Нариман Құрбановқа демеушілер есебінен тағы бір пәтер сыйға берілді.
![Алматы әкімі Ерболат Досаев спортшылармен кездесті Алматы әкімі Ерболат Досаев спортшылармен кездесті](https://cdn.nur.kz/images/1120/db3d1a7989a9c78e.jpeg)
Олимпиадада ел намысын қорғаған барлық алматылық спортшы мен бапкерлер құрамы ақшалай сертификаттармен марапатталды.
Кездесуде олимпиадашылар алматылықтар мен бүкіл Қазақстан халқының қолдауын сезінгенін, жарыс кезінде жігерін жанып, жеңіске жетелегенін айтты. Сондай-ақ, олар қала басшысы Ерболат Досаевқа назардан тыс қалдырмай, әкімдік тарапынан көңіл бөлгені үшін алғыс білдірді.
![Алматы әкімі Ерболат Досаев спортшылармен кездесті Алматы әкімі Ерболат Досаев спортшылармен кездесті](https://cdn.nur.kz/images/1120/eb49dc5b3290b55b.jpeg)
Еске сала кетейік, 26 шілде мен 11 тамыз аралығында Парижде өткен XXXIII жазғы Олимпиада ойындарында алматылық спортшылар 1 күміс және 3 қола жүлде, жалпы жиыны 4 медаль жеңіп алды.
![Алматы әкімі Ерболат Досаев спортшылармен кездесті Алматы әкімі Ерболат Досаев спортшылармен кездесті](https://cdn.nur.kz/images/1120/0f23290088bb3bbf.jpeg)
![Париж Олимпиадасының жүлдегерлері Париж Олимпиадасының жүлдегерлері](https://cdn.nur.kz/images/1120/9246ab575b603bb1.jpeg)