Мемлекеттік кіріс комитеті мобилді аударымдарды бақылауды күшейтіп жатыр, деп жазады Alash.KZ сайты.
ҚаржыМиннің мәліметінше, енді үш ай ішінде жасалған аударым көлемі 1 млн теңгеден асса, салық органының назарына ілігесіз.
1 маусымнан бастап ай сайынғы мобилді аударым 300 мыңнан асса және 3 ай қатарынан осы көлемдегі сомада қаражат аударылып отырса, ақшаның бизнестен түспегенін дәлелдеу керек болады.
Депутат Ұлықбек Тұмашынов "ҚаржыМин онсыз да жүйкелеп жүрген жұртты одан сайын діңкелетіп жатыр", - деп есептейді.
"Салық-салық деп халықты қыса беруге болмайды", - дейді мәжілісмен.
