Ақтау алдағы жаңа жыл мерекесіне орай, билік 20 метрлік екі жасанды шырша мен әшекейлер сатып алуды жоспарлап отыр. Бұл мақсатқа бюджеттен 98 403 854,00 теңге қарастырылған. Бұл сомаға мерекелік атрибуттарды жеткізу және орнату да кіреді, деп хабарлайды Alash.KZ.
Техникалық сипаттамаға сәйкес, шыршалар жасыл түсті, конус пішінді, биіктігі 20 метр болады. Негізінің диаметрі – 7,4 метр, болат қаңқаның салмағы – кемінде 2 000 килограмм, инелерінің салмағы – кемінде 950 килограмм.
Шыршалар гирляндалар және шарлармен, сондай-ақ периметрі бойынша жарықдиодты жарықпен көмкерілген декоративті аркамен безендіріледі. Орнату орнын тапсырыс беруші – яғни ТКШ бөлімі анықтайды, деп жазады ulysmedia.kz.
