Тұрсын Алагөзовтің осыдан біршама ай бұрын сүйікті жарына 300 миллиондық Rolls Royce сыйлағаны белгілі. Оған дейін Porsche автокөлігін тарту еткен.
Әйеліне миллиондарын аямайтын бизнесмен бұл жолы Баян Мақсатқызына 80 миллион доллардың тікұшағын сыйлағалы жатыр ма?
Әлеуметтік желіде Баян Алагөзова күйеуі Тұрсын Алагөзов екеуі қымбат жеке ұшақтың ішін көрсетеді, деп жазады Alash.KZ.
Баянның айтуынша, ол халықаралық авиация көрмесіне барған.
"Мұнда жеке тасымалмен айналысатын компаниялар бар. Қызық екен, көрмеге әрең кірдік, мықты таныстардың арқасында. Сондықтан қазір, мүмкіндік болса, жеке ұшақтарды көрсетемін. Олар ішінен қалай көрінеді?", – деді продюсер.
Ол Instagram-дағы stories-іне бірнеше видео жариялады.
Баян Алагөзова өз видеоларында көрме аумағында жеке тасымалдарға қызығушылық танытқан бай адамдардың көп екенін айтты.
Желі қолданушылары: “Макси чайдан басқа ештеңе ішпейміз. Конечно, бұлар байымағанда кім байиды?”, - деп пікір білдіруде.
