Еурокомиссия басшысы Урсула фон дер Ляйен Ресей тарапынан Украинада жасалып жатқан шабуылдарды қатаң айыптады. Ол өз мәлімдемесінде Мәскеудің бұғатталған қаржылық активтерінен құралған пайда есебінен Украинаға 1,4 миллиард еуро көлемінде көмек көрсетілетінін жариялады, деп хабарлайды Alash.KZ
Еуроодақ елдері Ресей Орталық банкіне тиесілі барлық активтерді 2022 жылдың басында, дәлірек айтқанда Мәскеу Украинаға қарсы әскери қимылдар бастаған сәтте бұғаттап тастаған еді. Осы уақыт аралығында жиналған үстеме пайда мен табыстар Украина мемлекетін демеуге жұмсалмақ.
Еуропалық комиссияның таратқан ресми есептеріне сүйенсек, бұғаттау үстінде тұрған ресейлік капиталдан жалпы жиынтығы 8 миллиард еуроға жуық қосымша табыс жинақталған.
Ал жақын арада бөлінетін 1,4 миллиард еуроға тоқталсақ, бұл қаражат Украина билігіне қолма-қол немесе тікелей дотация ретінде берілмейді. Мұндағы жиналған қаржының 95 пайызы Украинаны несиелеу бағытындағы ортақ ынтымақтастық жүйесін қаржыландыруға құйылса, қалған 5 пайыздық үлесі Еуропалық бейбітшілік қорының шотына аударылады.
