Тоқаев Жамбыл облысындағы жер сілкінісінен кейін әкім мен министрдің баяндамасын тыңдады. Зардап шеккен нысандарды қалпына келтіруді тапсырды, деп хабарлайды Alash.kz порталы.
Президент Қасым-Жомарт Тоқаев Жамбыл облысының әкімі Ербол Қарашөкеев пен Төтенше жағдайлар министрі Чингис Арыновтың өңірдегі жағдай туралы баяндамасын тыңдады.
Премьер-министр Олжас Бектеновке әлеуметтік нысандар мен тұрғын үйлерді қалпына келтіруге және жөндеуге көмек көрсету тапсырылды.
Ақорда мәліметінше, өңірдегі жағдай Үкіметтің бақылауында.
Еске сала кетейік, 28 наурызға қараған түні Жамбыл облысында 5 балдық жер сілкінісі тіркелді. Күндіз тағы бір рет жер асты дүмпулері сезілді.
