Қазақстандық Алпысбаевтар отбасы Nickelodeon Kids' Choice Awards сыйлығының «Медиа саласындағы сүйікті қазақстандық отбасы» номинациясында жеңіске жетіп, қызғылт дирижабльді жеңіп алды деп хабарлайды Alash.kz ұлттық порталы DASM Group сайтына сілтеме жасап.
Сыйлық тапсыру салтанаты үлкен шараға ұласты.17 шілдеде телеэкрандардан көрсетілді, қайталау көрсетілімі 20 шілдеде 17:00-де Nickelodeon HD арнасында өтеді.
Қазақстандық контент-креаторлар Алпысбаевтар отбасы Қазақстанның жазылушыларының дауыс беру нәтижесінде «Медиа саласындағы сүйікті қазақстандық отбасы» номинациясында жеңіске жетті.
Блогер Диас өз отбасының жеңісі туралы ойларымен бөлісті.
«Өзіммен және отбасыммен мақтанамын! Бақыттымын және шабыттандым! Мұның бәрі жақындарым мен аудиториямның қолдауының арқасында мүмкін болды, дәл осы қолдаудың арқасында біз жеңіске жете алдық. Осы шараға қатысы бар барлық адамдарға алғыс айтқым келеді. Арманның орындалуына мүмкіндік бергендеріңіз үшін үлкен рахмет!» - деді ол.
Шара жүргізушілері Қазақстанда Бақытжан Жармұхамбетов дыбыстаған Спанч Боб Квадрат шалбар мен оның үздік досы Патрик Стар (Қазақстанда Бахтияр Байсерік дыбыстаған) болды.
Шара Пол Расселдің Lil Boo Thang хитін орындауымен және The Kid LAROI-дың Nights Like This, Stay және жаңа Girls синглімен өнер көрсетуімен қызықты сәттерге толы болды.
