Шымкент әкімінің орынбасары Руслан Берденовке жасалған қастандық ісі бойынша сотта оқиғаның видеосы көрсетілді, деп хабарлайды Alash.kz.
Видеода күдікті Ернар Жиембайдың қала әкімдігі ғимаратының кіреберісінде Берденовке бес рет оқ атқаны байқалады. Жарақат алғанына қарамастан, шенеунік қарсылық білдіруге тырысқан. Сол кезде жүргізушісі араласып, Жиембайды оқиға орнында ұстап қалған. Оқ атылған сәтте Берденов жерде жатқан.
Еске сала кетсек, аталмыш оқиға 21 сәуір кешінде Шымкент әкімдігі алдында болған. Шенеунік ауруханаға жеткізіліп, оған төрт сағатқа созылған ота жасалған. Күдікті сол жерде қолға түсті.
