Қазақстанның төрт өңіріндегі, атап айтқанда, Солтүстік Қазақстан Қарағанды, Ақмола және Ақтөбе облыстарындағы су қоймалары 100%-ға жуық толды. Солтүстік Қазақстан облысындағы жағдай аса ең ауыр күйінде қалып отыр. Сергеев су қоймасындағы су деңгейі күн өткен сайын артып келеді, қазір бөген 166%-ға толды, деп хабарлайды Alash.KZ ұлттық порталы.
Жергілікті билік су тасқынының екінші толқынына дайындалып жатаны хабарланды.
Су және ирригация министрлігіне Қазақстанның су қоймаларындағы өзекті жағдай туралы айтылды:
"Ақмола облысында Астана және Селетин су қоймалары 100%-ға толы. Екі нысан да штаттық режимде жұмыс істейді. Солтүстік Қазақстанда екі ірі су қоймасы 100%-ға толы, судың тасуы жалғасып жатыр", - делінген хабарламада.
Кеше Петропавлдағы Есіл өзенінің деңгейі 1284 сантиметрге жетіп, тәулігіне 28 сантиметрге төмендеді. Аймақтағы ахуал әлі де күрделі, деп атап өтті билік өкілдері.
"Аймақтағы жағдай әлі де күрделі. Қызылжар ауданы мен Петропавлда су тасқынының алғашқы толқыны өтіп, су деңгейі төмендеді. Алайда Сергеев су қоймасындағы су деңгейі жоғарылайды. Қазіргі уақытта ол 166%-ға толды, су ернеуден 3 метр 48 см-ге асып кетті",-деді СҚО ақпараттық-талдау тобының бас маманы Жазира Қожахметова.
Оның айтуынша, Қазақстанның солтүстік әкімшілігі су тасқынының екінші толқынына дайындалып жатыр. Қазірде СҚО-да 13 мыңнан астам адам эвакуацияланған.
"Ақтөбе облысында екі ірі су қоймасының орташа толтырылуы 97% құрайды. Екі нысан да штаттық режимде жұмыс істейді. Шығыс Қазақстан облысында екі ірі су қоймасы бойынша орташа толтыру 81% құрайды. Абай облысында Шүлбі су қоймасы 67%-ға толды. Өңірде судың тасуы тоқтамай тұр", - деп толықтырды ҚР ІІМ.
