Париж Олимпиадасының чемпионы Елдос Сметовтің үйіне баратын жолға ып-ыстық асфальт төселген, - деп хабарлайды Alash.KZ.
Бұл туралы Жамбыл облысы әкімінің штаттан тыс кеңесшісі, журналист Исламбек Дастан жазды.
"Елдос Сметовтің үйіне баратын жолға асфальт төселді. Мақтану емес", - деп жазды ол.Оқырмандар "Сметовтың көшесімен смело жүріңдер", "Көшелеріңе асфальт керек болса, чемпион шығарыңдар" деп жазды.
Айта кетейік, Елдос Сметов 1992 жылы 9 қыркүйекте Жамбыл облысы, Тұрар Рысқұлов ауданы, Каменка ауылында туған.
Еске салайық, бүгін қазақстандықтар Олимпиада жүлдегерлері Елдос Сметов пен Ғұсман Қырғызбаевты әуежайдан күтіп алды.
