Шымкент әкімі Ғабит Сыздықбеков Орталық коммуникациялар қызметінде есеп берді. Жиын барысында журналист Бақытжан Көпбаев әкімге ерекше алғыс айтты, деп жазады Alash.KZ.
«Ғабеке, біздің Шымкент сіз келгенге дейін үлкен ауыл сияқты дамып бара жатқан. Тұрғындар «қаламызды көркейтіп, еңбек сіңіріп жатқан әкіміміз ертең басқа жаққа кетіп, біз жетімсіреп қалмаймыз ба деп қорқады. …Сізді әкім етіп тағайындағаны үшін Аллаға және президентке рахмет», - деді журналист.
Әкімге айтқан осындай мадақтан кейін желідегі оқырмандар әртүрлі пікір білдіріп жатыр. "Көпбаев тәуір журналист пе деп жүрсек, бұл да "бұлбұл" болған екен ғой", "Ойпырмай, жағымпаздықтың да осындай түрі бола?", "Бұл осы сөзі арқылы Шымкент әкімін "қораға" тықты" дейді.
