АМӨЗ-дегі оқиғалар Қазнетті әлі де дүрліктіруде. Өздеріңіз білетіндей, зауыт басшысы Ғалымжан Жусанбаев зауытта бір ай ғана жұмыс істегеннен кейін жанжалдың ортасында қалып, өз қызметінен кеткен болатын.
Бас директордың жұмыстан кетуінің өзі де ерекше. Шамасы, жаңа сыбайлас жемқорлық айлаларын ашпас үшін 30 күннен кейін тез арада кетіргендей көрінеді. Бұған басқа түсініктеме жоқ. Бірақ тіпті қазақстандық тәжірибе үшін бұл нонсенс емес пе?!
Тап осы адам өндірісте ауқымды реформаларды бастағанын, 150 млрд теңгеден астам сомаға ұрлық жасағанын анықтағанын, бұл туралы оның жария түрде хабарлағанын түсінуіміз қажет.
«Кәсіпорынның жұмысында көптеген бұзушылықтардың болуы туралы аталған фактілерді анықтау жол берілген бұзушылықтарға кінәлі лауазымды тұлғалардың наразылығына және коммерциялық құрылымдардың негізсіз артық кірісін алуға мүдделі тұлғалардың наразылығына әкелді. Бұл тұлғалар менің адал атымды жамандау және өзінің жосықсыз қызметі туралы фактілерді жасыру мақсатында маған қарсы ақпараттық науқан бастады», - делінген Жусанбаевтың хатында.
Оның айтуынша, «аталған кезеңде ол зауытта қызмет еткен уақытта бірқатар жаңашылдықтарға бастамашылық еткен:
- алты жыл бұрын демонтаждалған Ақжайық станциясында мұнай өнімдерін тасымалдаудың баламалы бағытын жоспарлау;
- оларды төмендетудің себептері мен тәсілдерін анықтау мақсатында мұнай өңдеу кезіндегі шығындардың жоғары деңгейін талдау жөніндегі жұмыс тобын құру;
- зауыттың қаржы-шаруашылық қызметін бағалау үшін тәуелсіз кеңесшілерді тарту».
Бұрын зауыттың кем дегенде бір басшысы мұнай мафиясына қарсы шықты ма? Жауабы айдан анық.
Мұндай адам қазір әділетсіз сынға ұшырап отыр. БАҚ-та қудалау зауыттағы лас істерді жалғастыру үшін әдейі ұйымдастырылған. Алайда, іс жүзінде оны сыбайлас жемқорлықпен күресетін ұлттық қаһарман ретінде құрметтеу керек. Мұндай адамдар елімізде санаулы ғана.
