ҚР Президенті Қасым-Жомарт Тоқаев Тяньцзинь қаласындағы "Мэйцзян" конференц-орталығына барды, деп Alash.kz ұлттық порталы Ақордаға сілтеме жасап хабарлайды.
Ақорданың мәліметінше, Мемлекет басшысы Шанхай ынтымақтастық ұйымы саммитіне қатысушы елдер делегацияларының басшылары құрметіне ұйымдастырылған ресми қабылдауға қатысты.
Тоқаевты Қытай Халық Республикасының Төрағасы Си Цзиньпин мен оның жары Пэн Лиюань қарсы алды.
Салтанатты рәсім аясында саммитке қатысушы мемлекеттердің делегация басшылары естелік суретке түсті.
Еске сала кетсек, Қасым-Жомарт Тоқаев Си Цзиньпиннің шақыруымен 30 тамыз – 3 қыркүйек аралығында Қытайда өтетін ШЫҰ саммитіне қатысып жатыр. Президенттің ҚХР-ға сапары туралы 26 тамызда хабарланған болатын.
