Қазақстан сейсмологтары жер сілкінісін тіркеді: Тараз бен Шымкентте 2 балдық дүмпу сезілді, деп хабарлайды Alash.kz ұлттық порталы.
Қазақстан сейсмологтары 6 желтоқсан күні түнде жер сілкінісін тіркеді. Бұл туралы ҚР Төтенше жағдайлар министрлігінің баспасөз қызметі хабарлады.
Ұлттық сейсмологиялық зерттеулер және ақпарат ғылыми орталығының мәліметінше, дүмпу Астана уақытымен 02:04-те тіркелген. Жер сілкінісінің эпицентрі Алматыдан оңтүстік-батысқа қарай 565 шақырым жерде, Өзбекстан аумағында анықталды.
Тараз бен Шымкентте шамамен 2 баллдық тербеліс сезілген.
Министрлік таратқан ақпаратқа сәйкес, құрбан болғандар туралы мәлімет жоқ.
