Қазақстандық танымал әнші Мөлдір Әуелбекова бағдарламалардың бірінде өзінің жеке өміріне қатысты сырын бөлісіп, қазіргі уақытта басқа біреуге емес, өзіне ғашық екенін айтты, деп хабарлайды Alash.kz.
Өнер иесі «Шайдың қыздары» бағдарламасына қатысып, көрерменнің «Қазір кімге ғашықсыз?» деген сауалына ашық әрі шынайы жауап берді.
«Мен қазір өзіме ғашықпын. Біреуге ғашық болып шаршадым», — деді Мөлдір Әуелбекова.
Әншінің айтуынша, басынан өткен түрлі өмірлік жағдайлар мен 40 жастың биігі оған ең алдымен өзін бағалап, жақсы көрудің қаншалықты маңызды екенін ұғындырған. Осылайша ол нақты бір адамға деген сезімін емес, өмір мен махаббатқа деген қазіргі жаңа көзқарасын білдірді.
