Қырғызстан ҰҚК төрағасы Камчыбек Ташиев мұғалімдердің арақ ішуі мен темекі тартуын қолайсыз деп есептейтінін мәлімдеді, деп хабарлайды Alash.kz ұлттық порталы.
Педагогтардың моральдық бейнесіне қатысты ойын арнайы қызмет басшысы Камчыбек Ташиев жеткізді. Оның айтуынша, мұғалімдер үлгілі тәртіптің, өнегелі мінез-құлықтың үлгісі болуға тиіс. Сонымен бірге, кадр тапшылығына қарамастан, ол білімі мен кәсіби деңгейі төмен мұғалімдерді жұмысқа алмауға шақырды.
«Мұғалім арақ іше алмайды және темекі тарта алмайды. Ол әрқашан және барлық жағынан балаларға, өз шәкірттеріне өнегелі үлгі болуы керек. Біз мектептер салып жатырмыз, мұғалімдердің жалақысын көтердік. Сондықтан кадрлардың кәсібилігі жоғары болуы шарт», – деп Ташиевтің сөзін 24.kg келтіреді.
