Шайдоров Олимпиададағы жеңісі үшін көптен күткен сыйақысын алды

Үкімет қаулысымен 2026 жылғы қысқы Олимпиада чемпионы Михаил Шайдоровқа 250 мың АҚШ доллары көлемінде, Надежда Морозоваға 5 мың доллар мөлшерінде ақшалай сыйақы берілді, деп жазады Alash.KZ.

Ақшалай сыйақы жүлдегер спортшылардың алғашқы, жеке және бас жаттықтырушыларына да төленді.

Сондай-ақ Олимпиада жүлдегерлеріне әкімдіктер жергілікті коммуналдық тұрғын үй қорынан тегін пәтер береді.

Бұған дейін Михаил Шайдоров бес ай бойы жалақы алмағанын айтқан еді. Бұған жауап ретінде спортты дамыту дирекциясы жаңа келісімшарт жасалмағандықтан, жалақы төленбегенін айтқан болатын.

Кейін министрлік Шайдоровтың командасымен келісімшартқа қол қойып, бітімге келгенін хабарлады.