Сенат жасанды интеллектке қатысты заңды Мәжіліске қайтарды

Сенаторлар ұсынылған нормаларды қолдағанымен, құжаттың жекелеген баптары мақұлданбады. Олар жаңа редакцияда ұсынылып отыр, деп жазады Alash.KZ. 

Түзетулерге сәйкес, адам шығармашылық үлес қосып, жасанды интеллект көмегімен жасалған туынды авторлық құқық нысаны болып танылады. Жасанды интеллект иелері мен пайдаланушылары ықтимал залалды азайтуға ғана емес, алдын алуға да міндетті делінген. Жасанды интеллект келтірген зиян үшін жауапкершілікті сақтандыру қолданыстағы заңнамаға сәйкес жүзеге асырылатыны нақтыланған.

Жалпы бұл құжатпен «жасанды интеллект», «деректер кітапханасы» секілді негізгі ұғымдар заңмен бекітіледі.