Референдум алдында үгіт-насихат жүргізуге тыйым салынды

Бас прокуратура 15 наурыз, жексенбі күні өтетін республикалық референдум қарсаңында азаматтарға үндеу жасады. Ведомство мәліметінше, үгіт-насихат 14 наурыз күні сағат 00:00-де аяқталады, деп жазады Alash.KZ. 

«Тыныштық күні» және дауыс беру күні – 14 және 15 наурызда кез келген үгіт-насихат жүргізуге тыйым салынады. Сондай-ақ қоғамдық пікірге жүргізілген сауалнамалардың нәтижелерін және референдум қорытындысына қатысты болжамдарды жариялауға болмайды. Ал дауыс беру күні сайлау учаскелерінде сауалнама жүргізуге де тыйым салынған", делінген хабарламада.

Бұл талаптарды бұзғаны үшін әкімшілік жауапкершілік қарастырылған.

Бас прокуратура қазақстандықтарды заң талаптарын сақтауға және құқыққа қайшы әрекеттерге жол бермеуге шақырды.