Қырғыз Республикасынан жалған шот-фактура жасаған күдікті экстрадицияланды

Қазақстан Бас прокуратурасы экономикалық қызмет саласында ауыр қылмыс жасады деген күдікпен Қазақстан азаматын Қырғыз Республикасы аумағынан елге қайтарды, деп жазады Alash.KZ.

Тергеу дерегінше, 2023 жылы күдікті нақты жұмыс орындамай-ақ жалған шот-фактуралар жазып беру схемасын ұйымдастырып, мемлекетке шамамен 350 млн теңге көлемінде салық төлемеу арқылы залал келтірген.

Қылмыстан кейін ол жасырынып, халықаралық іздеуге жарияланған. 2025 жылдың наурызында Бішкекте ұсталып, Қазақстанның сұрауы бойынша экстрадицияланды.

Қазір күдікті тергеу изоляторына қамалды. Айыбы дәлелденсе, мүлкі тәркіленіп, 7 жылға дейін бас бостандығынан айырылуы мүмкін.