Қуандық Бишімбаевтың бұрынғы жұбайы Назым Қаһарман өзінің бұрынғы күйеуінен туған күніне ерекше “сыйлық” алғанын айтты. Келіншеке дәл сол күні екі бірдей сотқа шақырту қағазы келген, деп хабарлайды Alash.kz.
Назым Қаһарман экс-министр Қуандық Бишімбаевпен 14 жыл некеде болған және олардың үш баласы бар. Жұбайлар 2020 жылы ажырасқан.Арада қанша уақыт пен сан түрлі оқиғалар өткен соң келген сотқа шақыруға қатысты Назымның пікірі басқаша. Айтуынша, Бишімбаевтың әрекеті - мүлде құқықтық мәселе емес, балалар арқылы психологиялық қысым көрсету мақсатында жасалған. Ол талап-арыздарды өзіне қарсы емес, экс-күйеуінің қысым құралы ретінде қабылдайтынын атап өтті.
“Өкінішке қарай, мұндай адамдардан құтылу өте қиын, бұл рас. Олар соңына дейін жабысып алады, әсіресе егер сен жақсы болсаң, адалдығыңмен ерекшеленсең, көп энергия беріп, көп жақсылық жасасаң”, – деді Назым Қаһарман.
