Ақ үй Дональд Трамптың МРТ қорытындыларын жариялады
Ақ үй қазан айында президент Дональд Трампқа жасалған магниттік-резонанстық томография (МРТ) қорытындыларын жариялады, деп хабарлайды Alash.kz ұлттық порталы.
Ақ үй дәрігері Шон Барбабелла жазбасында МРТ Трамптың жүрек-қан тамырлары жүйесі мен іш қуысының жағдайын бағалау мақсатында жүргізілгенін атап өтті. Барбабелла қорытындыны «толығымен қалыпты» деп бағалады.
Тексеру нәтижелері бойынша:
- Артерияларда тарылу белгілері немесе жүрек пен негізгі тамырлардың жұмысына қатысты ауытқулар анықталған жоқ, жүрек камералары қалыпты мөлшерде, тамыр қабырғалары тегіс және сау. Cондай-ақ қабыну немесе тромб көрінбейді, - деп айтылды.
Бұл тексеру Трамптың жасындағы барша басшыларға арналған стандартты медициналық іс-шара саналады.
