Үндістанның шығысында орналасқан Батыс Бенгалия штатында орналасқан қонақүйде орын алған жойқын өрт салдарынан 14 адам қаза тапты, деп хабарлайды ALASH.KZ.
Өрт Батыс Бенгалияның әкімшілік орталығы – Калькуттаның орталық бөлігіндегі Фалпатти Мачхуа ауданынан алыс емес жерде орналасқан қонақүйде шыққан.
«Бұл өрт 14 адамның өмірін қиды, олардың денелері табылды. Бірнеше адам құтқарылды», – деп мәлімдеді журналистерге Калькутта қалалық полициясының жоғары лауазымды өкілі Манодж Кумар Верма.
Оның айтуынша, өрт толықтай бақылауға алынған, алайда оқиға орнында іздестіру-құтқару жұмыстары жалғасып жатыр.
Өрттің шығу себептері анықталуда. Кейбір деректерге сүйенсек, өрт асүй аумағында газдың ағып кетуінен кейін басталған.
