Қазақстан Каспий теңізінің табанын қазғалы жатыр

Қазақстан үкіметі Каспий теңізінің түбін тереңдетпек. Яғни қазғалы жатыр. Оған себеп - теңіз суы тартылып, жүк кемелерінің жүріп-тұруы қиындаған, деп жазады Alash.KZ азаттыққа сілтеп. 

Премьер-министрдің сенат депутаттарына жолдаған хатында бұл жұмыстың жалпы құны – 42 миллиард теңге (шамамен 84 млн доллар).

Ресей Украинаға соғыс ашқан соң Қазақстанның негізгі теңіз қақпалары Ақтау мен Құрық порттарының халықаралық жүк тасымалында рөлі күшейген.

Былтыр алғашқы 10 айда Ақтау порты арқылы 4,2 миллион тонна жүк тасымалданған. Ал Құрық портында тасымал 22 пайыз өскен.

Ақтау порты Ақтау қаласының орталығында, ал Құрық қаладан 70 шақырым жердегі Құрық ауылында орналасқан. Ақтау – әмбебап порт, ол арқылы контейнерлер, мұнай, металл, астық салынған жүк тасымалданады.