Ақтөбе облысында заңсыз жұмыс істеген Қытай Халық республикасының бес азаматы анықталды, деп хабарлайды Alash.kz ұлттық порталы.
Polisia.kz жазуынша, полиция қызметкерлері Темір ауданындағы мұнай-газ кен орындарының бірінде рейдтік іс-шаралар өткізу барысында заңсыз жұмыс істеген шетелдіктерді анықтаған.
Орнату жұмыстарымен айналысқан Қытай Халық Республикасының бес азаматының жұмыс істеуге рұқсаты болмаған.
Сот шешімімен шетелдіктер елден шығарылды. Сондай-ақ шетелдіктер заңсыз жұмыс істеген компанияға 700 АЕК көлемінде әкімшілік айыппұл салынды.
