Қарағанды өңірінде 45 мың гектер алқап қызыл жалынға оранды

Қарағанды және Павлодар облыстарының шекара аумағындағы өрттің жалпы ауданы 45 мың гектерға жетті, деп хабарлайды Alash.KZ.

Табиғи өртті сөндіру бойынша барлық қажетті шаралар қабылдануда. Айыр, Шөптікөл, Қызылшілік, Атантай, Теректі  елді мекендеріне қауіп жоқ.

Қатты екпінді жел, таулы жерлер және өрт ошақтарына кірме жолдардың болмауы өртті сөндіру жұмыстарын қиындатуда.

Өртті сөндіруге Қарағанды облысы ТЖД және жергілікті атқарушы органдарының күштері мен құралдарынан 386 адам, 64 бірлік техника, ҚР ТЖМ мен Қорғаныс министрлігінің әуе кемелері жұмылдырылуда. Табиғи өртті сөндіруге жұмылдырылған күштер мен құралдар 4 жауынгерлік учаскеге бөлінді.