Көкшетауда тоғыз жасар қыз бала өз-өзіне қол жұмсады, деп хабарлайды Alash.kz ұлттық порталы.
Ақмола облысы полиция департаментінің баспасөз қызметі аталған факті бойынша қылмыстық іс қозғалғанын мәлімдеді.
— Полиция департаменті осы оқиға бойынша сотқа дейінгі тергеу жүргізіліп жатқанын хабарлайды. Қылмыстық-процестік кодекстің 201-бабына сәйкес, басқа ақпарат жариялауға жатпайды, — делінген хабарламада.
Әлеуметтік желілерде кәмелетке толмаған қыздың өз-өзіне қол жұмсағаны туралы ақпарат тарады.
Қыздың асылған денесін бөлмеден әкесі тауып, кейін қызын ауруханаға жеткізгені хабарланған. Алайда, дәрігерлер оны аман алып қала алмады.
